I RAWNGBAWLNA KHA HLEN RAWH II Tim 4: 1-6

Pathian hian kan theih ang tawk theuh ah leh kan phak ang tawk theuh ah hian kan rawngbawlna tur hi min pe/ruatsak a,  a then chu KTP Leader te, Bial zaipawl te, Group OB te, Branch zaipawl, hla hriltu leh Active Member thleng pawhin a ni ang,  Eng chanvo/ eng rawngbawlna pawh nise Pathian ngaihah chuan a pawimawh dan leh a ropui dan a thuhmun vek a, chumi kha mi chu ka ngai pawimawh bik, hei chu tlemin kan dah hnuaihnung deuh bik teh ang tih anei reng reng lo, kan Pathian ngaihah chuan ang khat vek ani a, keini mihring te zawk hian kan duh duh hi kan dah chungnung in, kan duh duh hi kan dah hnuaihnung vel mai mai thin zawk alo ni.
                   Kohhran-ah  leh KTP ah hnatlang te alo awma, chutiang in group thleng pawhin a ni ang,  ani chu a tihtur  ani reng alawm, Kohhran Upa ania, Branch OB ania, Group OB ania, te kan ti thrin, hawh u i sim tawh ang u khai, Kan Pathian ngaihah chuan chanvo lian leh te, ropui leh ropui lo a awm lo a, ang khat vek ani asin.

                   Tin, mitam tak chuan, kohhran hnatlang leh KTP activities hrang hrang ah te hian kan hruaitu ten min sawm loh chuan ka kal lovang emaw, lehkha ka hmulo ka kal dawn lo emaw,  ka kal anga min lo WELCOME that vak loh cuan ka haw leh daih ang te kan ti thin, hawh u, i in enfiah thar leh ang u, he khawvel mite tan leh he khawvel mite tih avang chauhva rawngbawl kan ni lova, kan Lalpa Pathian tana rawng chu bawl kan ni zawk ani tih hria in kan theih ang tawkah leh kan phak ang tawk theuhah te,  anuam emaw, a hreawm emaw, tlem in lo harsa ta deuh pawh nise, Kan rawngbawl chhan kan Pathian tan hian theih tawp chhuah in a tawpa LAWMMAN kan dawn tur chu thlir chung zelin tan ila  thar leh theuh ang u.

                   Tin, kohhran member/ KTP member kan nih chuan sawi ngai lovin kan tih tur leh kan tih makmawh thil a awm a, heng kohhran inkhawm te, KTP inkhawm  te, leh activities hrang hrang te hi kan ngai pawimawh hle tur ani. Heng Nilai zan inkhawm te, Inrinni zan inkhawm te, Monday zan te, Chawlhni chawhnu leh zan thleng in. Abik takin SUNDAY phei chu Kan Lalpa hian a ngai pawimawh hle a, ’Sunday Ni chuan hna in thawktur ani lova, Hnahthel aia rit engmah in chawitur ani hek lo’ a ti hial ani. Tin, A rawng kan bawlna kawngah hian RINGTUTE hian hlimna leh lawmna chauh hi kan chan tur leh kan tawn tur ani lova, heng, hreawm nate, lungngaihna te, mangan nate leh beidawnna thleng hian kan tawh tur leh kan hma a kan tawn tlang turin alo ruat felsa vek a, chumi kawng a kal tlang peih te leh tuar tlang peih apiang te chauh chuan CHATUAN ROPUINA chu an chang thin ani.

                   Chuvang in unau duhtak, NANG ERAWH CHU, eng dinhmun ah pawh ding la, eng chanvo pawh chelhin eng rawngbawlna mahin zar buai lo che mahse Lalpa tana I RAWNGBAWLNA KHA HLEN RAWH. Miin an tih ve loh vang te, thurualpui tur i neih loh vangte, emaw, I thiante an tel ve dawn loh avang te khan I rawngbawlna kha thrulh phah tum ringawt suh, Vanah thiante nen emaw, a huhovin emaw lawmman a lak theih dawn loh, mimal tan chauh ani, mimal tan chauh. I thiante emaw, I group OB puite emaw, I rawngbawlpui tute emaw an tel ve dawn loh vang khan ke pen loh tum ringawt suh, MALTLAT NUN nen a he Khawvel BORAL tur hi hmachhawn ngam a ngai asin. Chutianga ti thin tute leh chung mite chuan chatuan ropuina Lalpan Amah avang a thlemna tuar hram hram tute tana a buatsaih chu an hloh thin a, chatuan boralna kawngka ah chuan an luh phah thin. Amaherawh chu, thlemna tuar hram hram tute, he khawvel parmawina leh mit chakna te, a ropuina leh a nawmna te kalsan a, lungngaihna leh khawharna te, trahna leh beidawnna tenen a A KRAWS KAWNG zawh fan fan tute erawh chu Lalpa kan Pathian chuan a hre reng a, a tirah chuan hreawm in, lungngaiin, khawharna mittui nen hun hmang thin mahse a tawpah erawh chuan chung an tawrhna te chuan LAWMNA MITTUI ah a chan tir zawk thin ani.

                   Engtik niah emaw chuan NANG pawh he khawvel i chhuahsan na ni hi alo la thleng ang, chutih hunah chuan hlim leh lawm taka i LAWMMAN tur Lalpan Ama Rawngbawl tute tana a buatsaih chu I chanve theih nan tuna Ama tana Rawngbawlna hun tlem te ila neih chhung hian thahnem ngai tak chunga Ama tana ‘I RAWNGBAWLNA KHA HLEN TURIN KA SAWM A CHE’

Lalpa’n malsawm che rawh se, Amen.